ცოტა ხნის წინ, განათლებისა და მეცნიერების უკვე ყოფილმა მინისტრმა და „ქართული ოცნების“ საპრეზიდენტო კანდიდატმა გიორგი მარგველაშვილმა ჟურნალისტებს ახალი მინისტრი წარუდგინა. როგორც მან აღნიშნა, პრემიერს თამარ სანიკიძის კანდიდატურა წარუდგინა, რის შემდეგაც მისგან თანხმობა მიიღო. როგორც ახალმა მინისტრმა თამარ სანიკიძემ განაცხადა, სამინისტროს კურსი დაგეგმილი აქვს და მის შეცვლას არ აპირებს. მარგველაშვილის განცხადებით, პირველი და მთავარი, რაც გაკეთდა, არის ის, რომ მოხდა განათლების სისტემის დეპოლიტიზაცია. მისივე თქმით, 25-დან 60%-მდე გაიზარდა პედაგოგების ხელფასები, ასევე გაიზარდა სკოლის ადმინისტარციული პერსონაჟის ხელფასები და ა.შ.