ვიცე-პრემიერის, ენერგეტიკის მინისტრის კახა კალაძის მეუღლე, ყოფილი მოდელი და დიზაინერი ანუკი არეშიძე ეკა ხოფერიას თოოქ-შოუში მისი და კახას სიყვარულის ისტორიაზე ყვება. წამყვანის კითხვაზე - თუ როდის ჰქონდა მას ცხოვრებაში ყველაზე რთული პერიოდი, რომელიც ცუდად ახსენდება, არეშიძემ კალაძის ავტოგოლი გაიხსენა, ემოციები ვერ დამალა და ატირდა.
როგორც არეშიძემ განაცხადა, საკუთარ პრობლემებზე მეტად, მეუღლის პრობლემებს უფრო განიცდის.
„ბავშვი თვეების მყავდა და ჩემ მშობლებთან ერთად ვუყურებდი თამაშს. მამაჩემი უცებ შეხტა მოულოდნელობისგან. არაფერია, ვის არ მოსვლია მეთქი ვთქვი. უკვე მეორე ავტოგოლიც რომ გაიტანა, უკვე ძალიან ვინერვიულე. კახა სტადიონზე როცა გავიდა, ძალიან ანერვიულებული იყო და რაღაც მომენტში ჩემ თავსაც ვაბრალებ. რაღაცაზე ვიყავი გაბრაზებული და წავკინკლავდით თამაშის წინ. როცა ასეთი რამ დაემართა, მივხვდი, რომ ჩემი ბრალი იყო. წერდნენ, თითქოს იტალიამ ფული გადაუხადა, რომ ავტოგოლები გაეტანა, მაგრამ არ არის მართალი. აქედან გამომდინარე, უფრო მტკივა მისი ტკივილი. კახასაც ძალიან გაუჭირდა იმ პერიოდში. არასდროს გამოხატავს ხოლმე ემოციებს, მაგრამ მისი სიჩუმით ბევრ რამეს ვგრძნობ ხოლმე", -განაცხადა მინისტრის მეუღლემ.
(მოამზადა ლილუ მიროტაძემ)
