დღეს დილით ქუთაისში, N14 საჯარო სკოლაში აფეთქება მოხდა. როგორც შემთხვევის ადგილზე მობილიზებული სამაშველო სამსახურის თანამშრომლები იტყობინებიან, აფეთქებას მსხვერპლი არ მოჰყოლია. სკოლა სასწრაფოდ დაცალეს.  

როგორც გაირკვა, აფეთქება სკოლის საქვაბეში მოხდა, რასაც ნგრევა მოჰყვა. წინასწარი ინფორმაციით, საქვაბეში ორთქლი დაგროვდა, რამაც აფეთქება გამოიწვია. აღნიშნული შემთხვევა სწავლის დაწყებიდან ნახევარ საათში მოხდა. შემთხვევის ადგილზე საგანგებო სიტუაციების სამსახურები მივიდნენ. ადგილზე გამოძიება მიმდინარეობს.