„თბილისის მერობა არ არის ჩემი გეგმა და მიზანი“, - ამის შესახებ „საქართველოს გზის“ დამფუძნებელმა სალომე ზურაბიშვილმა  ჟურნალ „თბილისელებთან“ ისაუბრა.

„მე ვიღებდი მონაწილეობას საპრეზიდენტო არცევნებში, რომელიც დასრულდა ისე, როგორც დასრულდა. მიმაჩნია, რომ ამ ფუნქციის შესასრულებლად მზად ვიყავი, მქონდა ხედვაც და გამოცდილებაც. მერობისათვის მზად არ ვარ “, - აღნიშნავს ზურაბიშვილი და დასძენს, რომ „ამ კუთხით გამოცდილება არ ჰქონია, მიუხედავად ამისა, აქვს საკუთარი ხედვა - როგორ უნდა განვითარდეს ქალაქი“.

მისივე თქმით, დღეს ამ პროცესებში ჩართვას აზრი არ აქვს, რადგან ისე დამთავრდება, როგორც საპრეზიდენტო არჩევნები დასრულდა.

„ვფიქრობ, ყველამ უნდა იცოდეს  თავისი ადგილი, მე ქართულ პოლიტიკაში ვარ და ვიქნები“, - ამბობს ზურაბიშვილი.