ამერიკული სამხედრო ხომალდის "ბალკლის" კაპიტანი მეტ ფილიპსი საქართველოს მთავრობის წარმომადგენლებისთვის მიღებას გამართავს. ეკიპაჟი 13 აგვისტომდე ქართველი კოლეგებისთვის წვრთნებს ჩაატარებს.
კაპიტან მეტ ფილიპსის განცხადებით, შეხვედრის მიზანია ხაზი გაესვას ამერიკასა და საქართველოს შორის არსებულ მტკიცე მეგობრობას:
"დღეს საღამოს მიღება გაიმართება ჩემი და ამერიკის ელჩის სახელით. ჩვენ ამ მიღებაზე ველოდებით საქართველოს მთავრობის წარმომადგენლებს. შეხვედრის მიზანი არის ის, რომ ნაწილობრივ მაინც მადლობა გადავუხადოთ ქართველ მასპინძლებს შესანიშნავი სტუმართმოყვარეობისთვის, კეთილი მიღებისთვის და აგრეთვე, ხაზი გავუსვათ ამერიკის შეერთებულ შტატებსა და საქართველოს შორის არსებულ მტკიცე მეგობრობას." - აღნიშნა მეტ ფილიპსმა.
მიღებას სავარაუდოდ, საქართველოს პრემიერ მინისტრი ბიძინა ივანიშვილი და საქართველოს პრეზიდენტი მიხეილ სააკაშვილი დაესწრებიან.
