ქართველი რეჟისორი თემურ ბაბლუანი 1948 წლის 20 მარტს ლენტეხის რაიონში დაიბადა. ცნობილმა რეჟისორმა შოთა რუსთაველის სახელობის თეატრალური ინსტიტუტის კინოსარეჟისორო ფაკულტეტი, თენგიზ აბულაძის და ირაკლი კვირიკაძის სახელოსნო დაამთავრა. თემურ ბაბლუანი „ადამ და ევას" სამხატვრო ხელმძღვანელია. მიღებული აქვს სხვადასხვა პრიზი და პრემია: შოთა რუსთაველის სახელმწიფო პრემია, სოჭში გამართული კინოფესტივალის მთავარი პრიზი, მოსკოვის ფესტივალზე „გრან-პრი" აიღო, ასევე „ვერცხლის დათვი" ბერლინის რიგით 43-ე კინოფესტივალზე.

თემურ ბაბლუანი სცენარის ავტორი და რეჟისორია საქართველოში გადაღებული ფილმებისა: „უძინართა მზე", „ძმა", „ბეღურების გადაფრენა", „მემკვიდრეობა". ის ათეული წლებია, რაც ოჯახთან ერთად, საფრანგეთში ცხოვრობს და მოღვაწეობს. მისმა ახალმა ფილმებმა საერთაშორისო აღიარება არაერთგზის მოიპოვეს.

თემურ ბაბლუანს ოთხი შვილი ჰყავს. ოლგა და გელა ბაბლუანები მამის პროფესიას გაყვნენ, ხოლო უმცროსი შვილი -გიორგი ბაბლუანი მსახიობია, რომელიც მამის ფილმში „მემკვიდრეობა" და გელა ბაბლუანის „ცამეტში" მთავარ როლებს ასრულებს.