კინოთეატრ "რუსთაველის" დიდ დარბაზში, საქართველოს კულტურისა და ძეგლთა დაცვის სამინისტროს მხარდაჭერით, დღეს ბოლივუდის 100 წლისთავისადმი მიძღვნილი "ინდური ფილმების დღეები" გაიხსნება.
როგორც კულტურის სამინისტროში აცხადებენ, ინდური ფილმების დღეების გახსნაზე ნაჩვენები იქნება 10- წუთიანი დოკუმენტური ფილმი "რაჯ კაპური თბილისში" (1954წელი) და ინდური კინოს ისტორიაში ყველაზე შემოსავლიანი ფილმი "ბაიკერები 3" (2013წ). 21- 24 მარტის განმავლობაში მაყურებელს საშუალება ექნება იხილოს ბოლო წლებში გადაღებული საუკეთესო ინდური ფილმები.
საზეიმო გახსნას დაესწრებიან საქართველოს კულტურისა და ძეგლთა დაცვის მინისტრის მოვალეობის შემსრულებელი ალექსანდრე მარგიშვილი, საგარეო საქმეთა მინისტრის მოადგილე დავით ჯალაღანია, ინდოეთის ელჩი საქართველოში სურეშ ბაბუ, საქართველო-ინდოეთის კულტურული ურთიერთობის ასოციაციის "ბჰარატი" ვიცე-პრეზიდენტი თამარ ლამპარაძე. ასევე, საქართველოში აკრედიტებული დიპლომატიური კორპუსის წარმომადგენლები.
