რუსი მსახიობი სერგეი ბეზრუკოვი რუსულ გამოცემასთან საქართველოში გაუქმებულ გასტროლებზე საუბრობს და აცხადებს, რომ ერთეულმა პირებმა არსებული სიტუაციით მანიპულირება გადაწყვიტეს. მისი თქმით, საქართველოში ძალიან ბევრი მეგობარი ჰყავს და იმედს გამოთქვამს, რომ მომავალში ახალი სპექტაკლებით ქართველ გულშემატკივრებს კვლავაც გაახარებს.
„საქართველოში გასული წლის შემოდგომაზე მე სპექტაკლ „ხულიგანში" ვითამაშე, სერგეი ესენინის პოეზიის მიხედვით - ორიათას მაყურებლიან დარბაზში. მაყურებელი ესენინის ლექსებს ჩემთან ერთად კითხულობდა, ყველაფერი მშვენივრად იყო! ლვოვშიც იგივე სპექტაკლში ვითამაშე ერთი წლის წინათ და იქაც წარმატებით. უბრალოდ, ვიღაცისათვის მომგებიანია სიტუაციით მანიპულირება, რომ აი, ასე ამგვარად ხელი შეუწყოს ხალხთა ერთმანეთთან გაუცხოებას. საქართველოზე მე ძალიან კარგი შთაბეჭდილები დამრჩა, მე იქ ჩემს მეგობრებსაც ვესაუბრე ტელეფონით. ვინ დაზარალდა ამ სპექტაკლის გაუქმებით? პირველ რიგში - მაყურებელი, რომელიც პოლიტიკოსთა მოქმედების მსხვერპლი ხდება. საწყენია, რომ სპექტაკლი „პუშკინი" საქართველომდე ვერ ჩავიდა. სხვათა შორის, სიყვარულის გამოცდა სწორედ ამგვარ სიტუაციებშია ხოლმე: თუ ზურგი შეგაქციეს, ესე იგი, არ უყვარხართ", - აცხადებს ბეზრუკოვი.
(მოამზადა თეონა რამაზაშვილმა)
