Topnews.ru-ს ინფორმაციით, 32 წლის ბრიტანელი მელისა სმეატონი ქმარს მას შემდეგ გაშორდა, რაც გადაწყვიტა  გაფუჭებული მტვერსასრუტი შეეკეთებინა და ამ მიზნით საგარანტიო სახელოსნოს ესტუმრა. მელისა ქალაქ კროიდონიდანაა. მას შემდეგ, რაც ხელოსანმა მტვერსასრუტის გაფუჭების მიზეზი დაადგინა და მტვერსასრუტში გაჭედილი საცვალი მელისას აჩვენა, ქალმა ოსტატს აუხსნა, რომ ეს მისი საცვალი არ იყო.  

სახლში დაბრუნებულმა მელისამ მტვერსასრუტში აღმოჩენილი „სიურპრიზი" - წითელი საცვალი ქმარს ცხვირწინ აუფრიალა. თავიდან მისი მეუღლე კატეგორიულად უარყოფდა ღალატს, თუმცა შემდგომ საბოლოოდ გამოტყდა. ამის შემდეგ მელისამ მამაკაცს კარისკენ მიუთითა, იგი იძულებული შეიქმნა დაეტოვებინა მელისას საცხოვრებელი.