„ინტერპრესნიუსის“ კორესპონდენტის ინფორმაციით სოფელ ახალუბნის მიმდებარე ტერიტორიაზე ე.წ. რუსმა მესაზღვრეებმა დაკავებულები ცხინვალის მიმართულებით წაიყვანეს, საიდანაც სამი ადგილობრივი მაცხოვრებელია, ხოლო ორი - სოფელ ხვითიდან. ამ დროისთვის არსებული ინფორმაციით, ხუთივე მათგანი ცხინვალის მილიციის წინასწარი პატიმრობის იზოლატორშია მოთავსებული. „რეპორტიორი“ საგარეო საქმეთა სამინისტროს პრეს-სამსახურს დაუკავშირდა, სადაც ამ თემაზე ჯერ-ჯერობით კომენტარს არ აკეთებენ.