ჩვენ მივეჩვიეთ თვალების დაუნდობლად დატვირთვას, როცა დაუსრულებლად ვუზივართ კომპიუტერის მონიტორებს. ცოტა თუ ფიქრობს იმაზე, თუ სინამდვილეში რაოდენ უნიკალურია ეს ორგანო, რომელიც მეცნიერებას ჯერ ბოლომდე შესწავლილიც არ აქვს. გთავაზობთ რამდენიმე საინტერესო ფაქტს თვალების შესახებ.

•ყავისფერი თვალები სინამდვილეში ცისფერია, ყავისფერი პიგმენტის ქვეშ. არსებობს ასევე ლაზერული პროცედურა, რომელიც ყავისფერ თვალებს საერთოდაც სამუდამოდ აცისფრებს.

•თვალის გუგები 45%-ით ფართოვდება, როცა საყვარელ ადამიანს ვუყურებთ.

•თვალის რქოვანა იმდენად ჰგავს ზვიგენისას, რომ ამ უკანასკნელს თვალებზე ოპერაციის დროს იყენებენ შემცვლელად.

•გახელილი თვალებით ვერ დააცემინებთ.

•ყოველი მე-12 მამაკაცი დალტონიკია.

•ადამიანის თვალს შეუძლია სპექტრის მხოლოდ სამი უბნის აღქმა: წითელის, ლურჯისა და ყვითლის. დანარჩენი ფერები ამ სამი ფერის შეთანხმებაა.

•ჩვენი სხეულის ყველა კუნთიდან, თვალების მაკონტროლებელი კუნთები ყველაზე აქტიურია.

•ჩვენი თვალები იმავე ზომისა რჩება, როგორც დაბადებისას იყო, ცხვირი და ყურები კი გამუდმებით იზრდება.

•საშუალოდ მთელი ცხოვრების განმავლობაში დაახლოებით 24 მლნ სხვადასხვა გამოსახულებას ვხედავთ.

•ადამიანები ამბობენ ხოლმე „თვალის დახამხამებას ვერ მოასწრებ", რადგან ეს ყველაზე სწრაფი კუნთია სხეულში. დახამხამება გრძელდება 100-150 მილიწამი

და წამში 5-ჯერ შეგვიძლია დახამხამება.

•თვალები ტვინს უზარმაზარ ინფორმაციას აწვდის ყოველ საათში.

•ჩვენი თვალები წამში დაახლოებით 50 საგანზე არიან ფოკუსირებული.

•თვალი ტვინს სხეულის სხვა ნაწილებზე მეტად ტვირთავს მუშაობით.

•მაიას ტომის წარმომადგენლები სიელმეს სილამაზედ მიიჩნევდნენ და ცდილობდნენ ისე გაეკეთებინათ, რომ ბავშვები დაელმებულიყვნენ.

•დაახლოებით 10 ათასი წლის წინ ყველას ყავისფერი თვალები ჰქონდა, სანამ შავი ზღვის მიდამოებში მცხოვრებ ადამიანებს არ გაუჩნდათ გენეტიკური მუტაცია, რამაც ცისფერი თვალები წარმოშვა.

•ჩვენ „ვხედავთ" ტვინით და არა თვალებით. სწორედ ტვინი აანალიზებს და „გვიხსნის" თვალით აღქმულ მოვლენებს.

წყარო: etanews.ge

(მოამზადა თეო ტაბატაძემ)