დიზაინერმა ლორენ სკოტმა, რომელმაც რამდენიმე დღის წინ თავი ჩამოიხრჩო, საკუთარი ქონება „როლინგ სთოუნსის" სოლისტს მიკ ჯაგერს დაუტოვა. ანდერძის მიხედვით, ჯაგერი რვა მილიონად შეფასებულ ბინას ლონდონში, ძვირფასეულობას, ავტომობილებს, ავეჯს და მილიონად დოლარად შეფასებულ ნივთებს მიიღებს.

ჯაგერი და სკოტი ერთმანეთს ათი წლის განმავლობაში ხვდებოდნენ. „სანდი თაიმის" ინფორმაციით, ცოტა ხნის წინ მომღერალმა სკოტის 6.6 მილიონი დოლარი ვალი გადაიხადა, ვინაიდან მას არ სურდა, რომ სკოტის სახლი ბანკს გაეყიდა.

49 წლის დიზაინერი საკუთარ სახლში ჩამომხრჩვალი იპოვნეს. წინასწარი ვარაუდით, სუიციდი ფინანსურმა პრობლემებმა გამოიწვია.

(მოამზადა რუსუდან ჯაბანიშვილმა)