სასტუმრო „ვერე პალასში" „გლობალური კვლევების ცენტრმა" კონფერენცია გამართა. მოწვეულმა ექსპერტებმა, ეკონომისტებმა და არასამთავრობო სექტორის წარმომადგენლებმა კონფერენციაზე „ევროკავშირთან ასოცირების ხელშეკრულების ზოგიერთი ასპექტის შესახებ" იმსჯელეს.
კონფერენციაზე მოხსენებით გამოვიდნენ ექსპერტები: ნანა დევდარიანი, მამუკა ჩხეიძე, იოსებ არჩვაძე და თამაზ იმნაიშვილი.
კონფერენციაზე განიხილეს თუ რა საფრთხეების და გამოწვევების წინაშე შეიძლება დადგეს საქართველო ევროკავშირთან ასოცირების ხელშეკრულების შემდეგ. ექსპერტთა ნაწილი მიიჩნევს, რომ შესაძლო საფრთხეს წარმოადგენს რუსეთის ბაზრის ჩაკეტვა საქართველოსთვის, თუმცა მათი ნაწილი მიიჩნევს, რომ ევროკავშირთან ასოცირების შესახებ შეთანხმების გაფორმება ქვეყნისთვის მნიშვნელოვანი მიღწევა იქნება და საქართველოსთვის ხუთას მილიონიანი ევროპული ბაზარი გაიხსნება.
