"სადახლოზე" არადეკლარირებული ოქროს ნაკეთობები ამოიღეს. შემოსავლების სამსახურის ინფორმაციით, "სადახლოს" საბაჟო-გამშვებ პუნქტზე, სომხეთის მხრიდან რუსეთის მოქალაქე ა. მ. შემოვიდა. 

მოქალაქის ბარგისა და ხელბარგის დათვალიერებისას, მის კუთვნილ ხელჩანთაში აღმოჩნდა არადეკლარირებული ოქროს ნაკეთობები. კერძოდ: ოქროს საათი "ჩაიკა"- 1 ცალი, ოქროს საათის სამაჯური - 1 ცალი, ჯვარი -4 ცალი, საყურე - 3 წყვილი, კულონი - 4 ცალი, ბეჭედი - 8 ცალი, სამაჯური - 2 ცალი, საერთო წონით- 157,45 გრ. 
სამართალდარღვევისთვის საქართველოს საგადასახადო კოდექსის 289-ე მუხლის მე-10 ნაწილის თანახმად, მოქალაქე ა. მ.-ს სანქციის სახით შეეფარდა ჯარიმა 6801,93 ლარის ოდენობით.