კინორეჟისორი მერაბ კოკოჩაშვილი ქვეყანაში არსებულ სიტუაციაში კულტურის მნიშვნელობაზე საუბრობს და აღნიშნავს, რომ ამ მხრივ, ძალიან ბევრი რამ დასახვეწია.

„გაცილებით მეტი ყურადღება სჭირდება კულტურის მიმართ დამოკიდებულებას. უკანასკნელი ოცწლეულის განმავლობაში სულ დეგრადაციას განიცდის. კულტურა არის საფუძველი, ის ფუნდამენტი, რაზეც ყველაფერი დგას. პოლიტიკაც, სოციალური ურთიერთობებიც, ჯანმრთელობაც, ჭამა-სმაც და ყველაფერი. ამაზე გაცილებით მეტი ყურადღებაა საჭირო  და ვფიქრობ,  ხელისუფლებას ამის მიმართ ძალიან სერიოზული დამოკიდებულება უნდა ჰქონდეს. საჭიროა სტრატეგიის გამომუშავება, რომელშიც კულტურა ერთ-ერთ გადამწყვეტ მნიშვნელობას შეიძენს", - განაცხადა მერაბ კოკოჩაშვილმა.