დღეს კინომსახიობ ელგუჯა ბურდულის დაბადების დღეა. მას დაბადებიდან 73 წელი და კინოში მოღვაწეობის 40 წელი შეუსრულდა. მსახიობს დაბადების დღე „კინოს სახლში" მსახიობებმა, მომღერლებმა, მწერლებმა, საზოგადოებისთვის ცნობილმა სახეებმა მიულოცეს.

ელგუჯა ბურდულის მონაწილეობით გადაღებულ ფილმებს არაერთ  საერთაშორისო თუ საკავშირო ფესტივალებში გაუმარჯვია. როგორც საუკეთესო მამაკაცის როლის შემსრულებელი, მსახიობი არაერთგზის გამხდარა კინოფესტივალების გამარჯვებული და ლაურეატი.

73 წლის კინომსახიობს ცოტა ხნის წინ მწერალთა კავშირმა „ხელოვნების რაინდის" ტიტული მიანიჭა.

ცნობისთვის: ელგუჯა ბურდული 1941  წლის 1-ელ აპრილს თბილისში დაიბადა. 1984 წლელს  კი გახდა კინოსტუდია „ქართული ფილმის" მსახიობი.

მსახიობის  ნათამაშებ როლებს შორის გამოირჩევა: „ბეღურების გადაფრენა", „სვანი", „უძინართა მზე", რომელმაც დიდი წარმატება და აღიარება მოუტანა, ასევე „ფოსტალიონი", „ანთიმოზ ივერიელი" და სხვ.

ამ ეტაპზე მსახიობს ოთხ - მათ შორის 2 უცხოურ ფილმში იღებენ.