საქართველოს პრემიერ-მინისტრმა ირაკლი ღარიბაშვილმა რეგიონული განვითარებისა და ინფრასტრუქტურის მინისტრ დავით დარმანიასთან ერთად, ხურჩის ახლადდაგებული გზა გახსნა.
ირაკლი ღარიბაშვილის განცხადებით, ახალი გზა მეტად გააადვილებს ენგურს მიღმა მცხოვრები საქართველოს მოქალაქეების გადაადგილებას.
პრემიერის თქმით, ისინი გამყოფი ხაზის გასწვრივ, წინა ხელისუფლებისგან სრულიად განსხვავებულ პოლიტიკას ახორციელებენ.
„მაქსიმალურად ვცდილობთ, აქ მცხოვრებ მოქალაქეებს ღირსეული ცხოვრების პირობები შევუქმნათ. ენგურს გაღმა მცხოვრებ მოსახლეობაზე ზრუნვა ჩვენი პრიორიტეტია. ამ მიზანს ემსახურება ხურჩის გზა. ეს 4 კილომეტრიანი გზა 3000-ზე მეტ ადამიანს გადაადგილების პირობებს გაუუმჯობესებს“, - განაცხადა ირაკლი ღარიბაშვილმა.
საქართველოს პრემიერ-მინისტრი ადგილობრივ მოსახლეობასაც შეხვდა და მათ პრობლემებს ადგილზე გაეცნო.
