თბილისი-ზუგდიდის მიმართულებით დამატებით კიდევ ერთი  მატარებელი იმოძრავებს. ამის შესახებ პრემიერ- მინისტრმა ირაკლი ღარიბაშვილმა ზუგდიდში ადგილობრივ მოსახლეობასთან შეხვედრისას განაცხადა, როცა ერთ-ერთმა მოქალაქემ მას ამცნო, რომ ამ მიმართულებით მოძრავი მატარებელი მხოლოდ სამი ვაგონისგან შედგება.

მოქალაქის თქმით, ვაგონების რაოდენობა საკმარისი არაა და ამ პრობლემის მოგვარება პრემიერს სთხოვა. ამის პასუხად პრემიერ მინისტრმა განაცხადა, რომ ის უკვე ესაუბრა ამ საკითხზე სამეგრელოს გუბერნატორს და პრობლემა მოგვარებულია.

„ჩვენ უკვე დავავალეთ საქართველოს რკინიგზას. სულ მალე დაიწყება და 4-სექციანი მატარებელი, მაღალსიჩქარიანი ვაგონები დაემატება. იქნება როგორც ღამის, ასევე დღის რეისები“, - განაცხადა პრემიერ- მინისტრმა.