კოლუმბიელი მწერალი, ჟურნალისტი, გამომცემელი, ნობელის პრემიის ლაურეატი გაბრიელ გარსია მარკესი მექსიკის ერთ-ერთ საავადმყოფოში მოათავსეს. ინფორმაციას მექსიკის ჯანდაცვის სამინისტრო ავრცელებს. მარკესი უკვე 30 წელია, მექსიკაში ცხოვრობს.

გავრცელებული ინფორმაციით, საავადმყოფოში მოხვედრის მიზეზი პნევმონია გახდა. ბოლო წლების განმავლობაში 87 წლის მარკესს საშარდე გზების ინფექციის პრობლემები ჰქონდა. ორი წლის წინ მისმა ძმამ განაცხადა, რომ მარკესი იტანჯებოდა დემნეციით და წერა შეწყვიტა.