ქუთაისში, სადგურის #5 - ში, ე. წ  „ბარაკებში" მყოფი სოციალურად დაუცველი 10 ოჯახი, ყოველდღიურად,  საცხოვრებლის ჩამონგრევის საშიშროების წინაშე დგას.

მძიმე საცხოვრებელ პირობებში მყოფი სოციალურად დაუცველი ოჯახები, დახმარებას ადგილობრივი ხელისუფლებისგან, უკვე ერთი თვეა, რაც უშედეგოდ ელოდებიან.

„რამდენჯერემე დავწერეთ მერიაში განცხადება, რომ  ყურადღება მოექციათ ჩვენთვის, თუმცა ამისთვის თავი ჯერ არავის შეუწუხებია. ჩვენ კი მცირეწლოვან ბავშვებთან ერთად, ყოველდღე ველოდებით როდის ჩამოგვექცევა ჭერი თავზე,  - ამბობს სადგურის #5-ში მცხოვრები ნინო მდივნიშვილი.

როგორც ირკვევა,  ბარაკული ტიპის ამორტიზებულ საცხოვრებელში მყოფს ოჯახებს სოციალური დახმარებაც მოუხსნეს. თუმცა მიზეზები მათთვის ამდრომდე არავის აუხსნია.