თელავში დღეს ავტოშოუ გაიმართება. როგორც გამგეობის კულტურის სამსახურში აცხადებენ, შეჯიბრება თელავის აეროპორტის მიმდებარე ტერიტორიაზე გაიმართება და მასში მონაწილეობა მართვის მოწმობის მქონე  ნებისმიერი ასაკის მამაკაცსა თუ ქალს შეეძლება.

გავრცელებული ინფორმაციით, შეჯიბრება სამ კატეგორიაში - დრეგში, დრიფტსა და წყვილთა რბოლაში გაიმართება. გამარჯვებულები სპეციალური პრიზებით დაჯილდოვდებიან.

აღნიშნული ავტორბოლა „ჟურნალისტთა გენდერული ქსელის" ორგანიზებით იმართება. მასში მონაწილეობის მსურველებმა რეგისტრაციის გასავლელად თელავის გამგეობის კულტურის სამსახურს უნდა მიმართონ.