„ქართული ოცნების“ პრეზიდენტობის კანდიდატის და განათლების ყოფილი მინისტრის,  გიორგი მარგველაშვილის ანგარიში „ნაციონალური მოძრაობის“ წარმომადგენელმა, სერგო რატიანმა გააკრიტიკა. „მარგველაშვილმა იმ  კანონის ინიცირება მოახდინა, რომლითაც უნივერსიტეტების რეორგანიზება  მათი კოლეგიური ორგანოს უკითხავად გახდებოდა  შესაძლებელი. მანვე  მოახდინა ინიცირება კანონისა, რომლის საფუძველზეც, ახალი თაობის მეცნიერებსა და  დოქტორანტებს  ასისტენტ-პროფესორობა ეზღუდებათ.“  – განაცხადა უმცირესობის წარმომადგენელმა. სერგო რატიანი, ბათუმის ტექნოლოგიური უნივერსიტეტის  დახურვასთან დაკავშირებით აცხადებს, რომ  აღნიშნულ უნივერსიტეტში ქართველ სტუდენტებს შესაძლებლობა მიეცემოდათ, ამერიკული დიპლომი მიეღოთ  გაცილებით იაფად, ვიდრე ამერიკაში. ასევე, განათლების ყოფილი მინისტრი, აგრარული უნივერსიტეტის, ავტორიზაციის გაუქმებაშიც დაადანაშაულა. რატიანმა ყურადღება იმ კანონზეც გაამახვილა, რომლის საფუძველზეც, პრემიერ-მინისტრს  უნივერსიტეტებში რექტორის მოვალეობის შემსრულებლის დანიშვნის უფლება ეძლეოდა. თუმცა, მისივე თქმით, ოპოზიციის, უნივერსიტეტის პროფესორების, სტუდენტების,  არასამთავრობო ორგანიზაციების,  დიპლომატიური კორპუსისა  და უმრავლესობის 12 წევრის კრიტიკის შედეგად, უნივერსიტეტების ავტონომია შენარჩუნებულია.