„ქართულ ჭიდაობას, როგორც ხელოვნების და სპორტის უნიკალურ სახეობას, არამატერიალური, კულტურული მემკვიდრეობის სტატუსი მიენიჭება."- ამის შესახებ განცხადება  კულტურის მინისტრის მოვალეობის შემსრულებელმა ალექსანდრე მარგიშვილმა  დღევანდელ პრეს-კონფერენციაზე გააკეთა.

"შემდგომი პროცედურა ეროვნული კატეგორიის განსაზღვრაა, შემდეგ არის უკვე მსოფლიო კულტურული მემკვიდრეობის ძეგლის სტატუსად განხილვა. ამას გარკვეული ვადა სჭირდება. გრძელვადიან პერიოდში ჩვენი სურვილი და ინტერესია, რომ იუნესკომდე მივიდეთ, თუმცა პროცესი მხოლოდ ახლა დაიწყო", - განაცხადა ალექსანდრე მარგიშვილმა.

(მოამზადა თეონა რამაზაშვილმა)