ხვალ, 11:00 საათზე, საგამოფენო ცენტრ ,,ექსპო ჯორჯიაში" ტურიზმის მე-16 საერთაშორისო ფესტივალი გაიხსნება, რომლის ფარგლებშიც საქართველოს კულტურისა და ძეგლთა დაცვის სამინისტროს ორგანიზებით, უკვე მეორედ, ტრადიციული ქართული ხალხური რეწვის გამოფენა-გაყიდვა გაიმართება.
გამოფენის ოფიციალური მხარდამჭერები არიან: საქართველოს ტურიზმის ეროვნული ადმინისტრაცია, საქართველოს კულტურისა და ძეგლთა დაცვის სამინისტრო, გარემოს დაცვისა და ბუნებრივი რესურსების სამინისტრო, დაცული ტერიტორიების სააგენტო და ქალაქ თბილისის მერია.
გამოფენაზე ადგილობრივი კომპანიების გვერდით წარმოდგენილნი იქნებიან უცხოური
კომპანიებიც: სომხეთიდან, თურქეთიდან, ტაილანდიდან, არაბთა გაერთიანებული
საემიროებიდან, უკრაინიდან, შვეიცარიიდან და ჩეხეთიდან.
ფესტივალის ფარგლებში გამოფენაზე მონაწილეობას მიიღებს 60-მდე ხალხური რეწვის
ოსტატი და რეგიონებიდან ჩამოსული ხელოვანი.
მოწვეულ სტუმრებს საშუალება მიეცემათ იხილონ თიხის ქოთნის ამოყვანის პროცესი.
