ქართველმა ჩოგბურთელმა და ქვეყნის პირველმა ჩოგანმა ანა ტატიშვილმა საქართველოს მოქალაქეობაზე უარი თქვა. ამის შესახებ მან „ფეისბუქის" საკუთარ გვერდზე დაწერა.
მან გადაწყვიტა, ამერიკის შეერთებული შტატების სახელით იასპარეზოს , რის მიზეზადაც საქართველოს სპორტული უწყებების მხრიდან გამოჩენილ უყურადღებობასა და გულგრილობას ასახელებს.
როგორც ტატიშვილი აცხადებს, მას ქართული მხარისგან არანაირი მხარდაჭერა არ აქვს, რის გამოც ამერიკის მოქალაქეობა საკუთარი კარიერული წინსვლისთვის მიიღო. საქართველოს ოლიმპურმა კომიტეტმა მცირე ფინანსური დახმარება მას მხოლოდ 2010-2012 წლებში გამართულ ოლიმპიურ თამაშებზე მოსახვედრად გაუწია.
ცნობისთვის, 24 წლის ანა ტატიშვილი ამჟამად 609 ქულით 104-ე ჩოგანია. 2012 წელს ის მსოფლიოს საუკეთესო ჩოგბურთელთა 50-ეულში შედიოდა.
