მართლმადიდებელი ეკლესია ხვალ იერუსალიმში უფლის დიდებით შესვლას, ბზობის ბრწყინვალე დღესასწაულს აღნიშნავს. ამასთან დაკავშირებით ხვალ ყველა მოქმედ ეკლესიაში წირვა-ლოცვა აღევლინება. სამების საკათედრო ტაძარში კი საღმრთო ლიტურღიას უწმინდესი და უნეტარესი სრულიად საქართველოს კათალიკოს პატრიარქი ილია მეორე ჩაატარებს.
ბზობის დღესასწაული ათორმეტთაგან რიგით პირველი მოძრავი დღესასწაულია, რომელიც აღდგომის ბრწყინვალე დღესასწაულის წინა კვირას აღინიშნება.
დღესასწაულთან დაკავშირებით მორწმუნეები ეკლესიებში ბზის რტოებით მიდიან. ეკლესიებში ბზა იკურთხება, როგორც უფლის შეგებების სიმბოლო. ბზობის გამო ეს დღე თევზით ხსნილია. შემდეგი კვირა მორწმუნეებისთვის მძიმე მარხვაა, რადგან ვნების შვიდეულია.
აღდგომის მარხვა 3 მარტს დაიწყო და 20 აპრილს უფლის აღდგომის დღესასწაულზე დასრულდება.
