საქართველო-რუსეთის საზღვართან ახლოს ლაკის რაიონში გუშინ ჩატარებული სპეცოპერაციის დეტალებს რუსული მედია ახმაურებს. ЮГА.ру-ს ჟურნალისტებმა დაადგინეს, რომ გუშინ გავრცელებული ინფორმაცია სპეცოპერაციის დროს ორი ჩრდილოკავკასიელი მებრძოლის ლიკვიდაციის შესახებ სიმართლეს არ შეესაბამება და სპეცოპერაციისას მერბძოლებმა მოკლეს სამართალდამცველები. დღეს დაღესტნის შს სამინისტრომ ოფიციალური განცხადება გაავრცელა. „სპეცოპერაციის დროს ბოევიკების დევნის ოპერაცია მიმდინარეობდა, რა დროსაც უცნობა პირებმა სამართალდამცველთა ჯგუფს ცეცხლი გაუხსნეს. ცეცხლსასროლი იარაღიდან მიყენებული ჭრილობებით ორი პოლიციელი ადგილზევე გარდაიცვალა“,- ნათქვამია განცხადებაში. საქართველოს საზღვართან ახლოს მომხდარ შეტაკებს ორი რუსი პოლიციელი 49 წლის რამაზან მაგომედოვი და 40 წლის აპანი ისლამოვი ემსხვერპლნენ. შეგახსენებთ, გუშინ „რეპორტიორი“ წერდა იმაზე, რომ lifenews.ru-მ ამასთან დაკავშირებით პროვოკაციული ინფორმაცია გაავრცელა. როგორც რუსული სააგენტო იუწყებოდა, რუსეთ-საქართველოს საზღვართან სპეცრაზმი იყო მობილიზებული.