ამ წუთებში გორის ცენტრში, ძველი ბაზრის მიმდებარე ტერიტორიაზე, ხელჩართული ჩხუბი მიმდინარეობს. მოვაჭრეები ტერიტორიის მესაკუთრეებს დაუპირისპირდნენ და ერთმანეთს სიტყვიერი და ფიზიკური შეურაცხყოფა მიაყენეს.

ინციდენტი მას შემდეგ დაიწყო, როდესაც ადგილზე იმ ტერიტორიის მფლობელები მივიდნენ, სადაც აგრარული ბაზრის მოვაჭრეები გუშინ თვითნებურად შეიჭრნენ.

მოვაჭრეებმა აღნიშნულ ტერიტორიაზე მთელი ღამე გაათენეს. მათი თქმით, იმ შემთხვევაში თუ მათი დარბევა მოხდება, მკაცრ ზომებს მიმართავენ.

(მოამზადა ანა ნოდიამ)