ბრიტანელი მეცნიერები მივიდნენ სენსაციურ დასკვნამდე: აღმოჩნდა, რომ ჰიტლერი, რომელმაც ექვსი მილიონი ებრაელი სიკვდილის ბანაკებში გაანადგურა, დაქორწინებული იყო ქალზე, რომელსაც ებრაული ფესვები ჰქონდა.

მკვლევარებმა დნმ-ექსპერტიზა ჩაუტარეს ევა ბრაუნის თმის ლოკონს, რომელიც 10 ათას დოლარად შეიძინეს ერთ-ერთი კოლექციონერისგან. ანალიზის შედეგები შოკისმომგვრელი აღმოჩნდა: გენეტიკური კოდის რიგი თავისებურებები, ნაცისტური გერმანიის პირველი ლედის - ევა ბრაუნის შესაძლო ებრაულ წარმომავლობაზე მიუთითებს.

ევა ბრაუნი 12 წელი ადოლფ ჰიტლერის საყვარელი იყო, ხოლო მისი ცოლი მხოლოდ 40 საათი. მათი ჯვრისწერა შედგა 1945 წლის 29 აპრილს, მეჯვარეები იყვნენ მარტინ ბორმანი და იოზეფ გებელსი.

1945 წლის 30 აპრილს ცოლ-ქმარმა თავი მოიკლა.