ჭიათურის რაიონის სოფელ კაცხის ტყეში, 50 წლის ამირან თაბაგარის გვამი იპოვნეს. თვითმხილველთა განცხადებით, თაბაგარი ტაქსის მძღოლი იყო და იგი 11 აგვისტოს, გვიან ღამით , სამმა ახალგაზრდამ გაურკვეველი მიმართულებით წაიყვანა.

დაკარგულის ძებნა გუშინ დილიდან დაიწყო  და დაახლოებით 18:00 საათზე, მისი გვამი სოფელ კაცხის ტყეში აღმოაჩინეს. სავარაუდოდ გარდაცვლილს თავში ბლაგვი საგანი ჩაარტყეს და ხევში გადააგდეს.

ამირან თაბაგარის გვამი  ქუთაისის  პროზექტურაშია  გადაასვენებული. მკვლელობში ერთ-ერთი ეჭვმიტანილი დაკავებულია, ხოლო ორი ბრალდებულის ძებნა კვლავ გრძელდება. აღნიშნულ ფაქტზე გამოძიება მიმდინარეობს.