ბათუმის საკრებულოს თავმჯდომარის მოადგილე, „ნაციონალური მოძრაობის“ წევრი  ჯუმბერ კახიძე  „ქართულ ოცნებას“ ბათუმის მერობის კანდიდატის დასახელებისკენ მოუწოდებს.

მისი თქმით, მმართველი გუნდიდან მერობის კანდიდატად გიორგი ერმაკოვი მოიაზრება, რომელიც ამჟამად ბათუმის მერის მოვალეობის შემსრულებლის პოსტზე მუშაობს.

„როგორც ხმები დადის ქალაქში, მერობის კანდიდატი გიორგი ერმაკოვი იქნება. მიმაჩნია, რომ არ უნდა იყენებდეს სახელმწიფო რესურსს მომავალი მერობის კანდიდატი. იურიდიულად გარკვეული დრო კიდევ არსებობს, მაგრამ ზნეობრივად გაუმართლებლად მიმაჩნია. კანდიდატი უნდა იყოს დასახელებული და ჩამოშორებული სახელმწიფო რესურსს“-განაცხადა ჯუმბერ კახიძემ.