„ერთიანი ნაციონალური მოძრაობა“  უმცირესობის წევრ ნუგზარ წიკლაურზე თავდასხმის ფაქტთან დაკავშირებით საგამოძიებო კომისიის შექმნას პარლამენტს კიდევ ერთხელ სთხოვს.

როგორც უმცირესობის წევრმა ლევან ბეჟაშვილმა პარლამენტის პლენარულ სხდომაზე განაცხადა, მთელი ამ დროის მანძილზე გამოძიება წინ არ წაწეულა.

„შეიმჩნევა გულგრილობა პროკურატურისა და სხვა სამართალდამცავი ორგანოების მხრიდან მაშინ, როდესაც შეიძლებოდა ვიდეო-კამერების ამოღება, მარშრუტის დადგენა, ტაქსის მძღოლის დაკითხვა და შესაბამისი ინფორმაციის მიღება“-განაცხადა ბეჟაშვილმა.

მისი თქმით, ხელისუფლება და პროკურატურა ამ საქმის მიჩქმალვას ცდილობს და არც მის გამოძიებას აპირებს.