საქართველოს განათლებისა და მეცნიერების მინისტრის მოადგილე ლია გიგაურმა დღეს გამართულ პრესკონფერენციაზე განაცხადა, რომ  ეროვნულ სასწავლო გეგმაში ცვლილებები იგეგმება და სკოლებში სასწავლო წლის დაწყებასთან დაკავშირებით სამინისტრო განცხადებას მოგვიანებით გააკეთებს.

„ჩვენთან სასწავლო წელი 34 კვირიანი იყო. გადავდივართ 36 კვირიან სასწავლო წელზე. შესაბამისად, გარკვეული ცვლილებები სწავლის დაწყებისა და დასრულების ვადაში იქნება. სასწავლო წლის ხანგრძლივობა იზრდება, შესაბამისად, გადანაცვლება მოხდება და, ალბათ, სწავლა  უფრო ადრე  დაიწყება“-განაცხადა ლია გიგაურმა.

მისი თქმით, ამ საკითხზე ექსპერტები მუშაობენ, რათა ყველა გარე და შიდა ფაქტორი გაითვალისწინონ.