გოგონას ბებია ქეთევან ცხორაგაული აცხადებს, რომ მისი შვილიშვილი გუშინ მდინარე ყვირილაში ხიდიდან გადახტა, ცხედარი კი ამ დრომდე ვერ იპოვეს.
„მეუღლესთან მოუვიდა კამათი და მდინარე ყვირილაში ხიდიდან გადახტა. ადგილზე შსს-ს თანამშრომლები და სოფლის გამგებელი იმყოფება. ცხედარს ეძებენ, მაგრამ მისი პოვნა ვერ ხერხდება. ვთხოვ ხელისუფლებას, დამეხმაროს, იქნებ რამენაირად მოხერხდეს და ცხედარი იპოვონ“, - განაცხადა ცხორაგაულმა.
როგორც შს სამინისტროს იმერეთის საზოგადოებასთან ურთიერთობის პრესსამსახურის თანამშრომელმა ტატო კუჭავამ განაცხადა, მთელი ღამის განმავლობაში ადგილზე სამძებრო სამუშაოები მიმდინარეობდა:
„გუშინ გვიან ღამემდე სამხარეო პოლიციის თანამშრომლები და ადგილობრივი მუნიციპალიტეტის სამაშველო სამსახური ახორციელებდნენ სამაშველო სამუშაოებს. დღეს დილიდან ისევ განახლდება საძიებო სამუშაოები.“
