ილიას სახელმწიფო უნივერსიტეტის ბიზნესის სკოლამ მიმდინარე წლის მარტში  კვლევა ჩაატარა, რომელმაც  კომპანიებისა და საზოგადოების მხრიდან 10 ყველაზე მოთხოვნადი პროფესია/პოზიცია გამოავლინა.

კვლევის შედეგად გამოვლენილი კომპანიების მხრიდან 10 ყველაზე მოთხოვნად პროფესიაში/პოზიციაზე

პირველ ადგილს იკავებს - მენეჯერი, რომელიც ბოლო ორი თვეა ლიდერ პოზიციას ინარჩუნებს;

შემდეგ ადგილზეა კონსულტანტი, რომელიც თებერვლის თვეშიც მეორე ადგილზე იყო;

მესამე ადგილზეა მოლარე (თებერვალშიც მესამე ადგილი);

შემდეგ ადგილს იკავებს მიმტანი (თებერვალში მეშვიდე ადგილი);

მეხუთე ადგილზეა ადმინისტრატორი (თებერვალში მერვე ადგილი);

შემდეგ მოსდევს გამყიდველი (თებერვლის თვეში მეათე ადგილი);

მეშვიდე ადგილს იკავებს დამლაგებელი (თებერვალში არ იყო მოთხოვნად პროფესიებში);

მერვე ადგილზე მოდის დისტრიბუტორი (თებერვალში მეოთხე ადგილი);

შემდეგ ადგილს იკავებს პრისელერი (თებერვალში მეცხრე ადგილი);

ბოლო ადგილზეა გაყიდვების აგენტი (თებერვლის თვეში მოთხოვნად პროფესიებში არ იყო).

საზოგადოების მხრიდან 10 ყველაზე მოთხოვნადი პროფესია/პოზიცია:

პირველ ადგილს იკავებს - ბუღალტერი (თებერვლის თვეში პირველი ადგილი);

მეორე ადგილზეა მზარეული (თებერვლის თვეში მეოთხე ადგილი);

შემდეგ ადგილს ინაწილებენ მძღოლი და ძიძა (მძღოლი - მეცხრე ადგილი, ძიძა არ იყო მოთხოვნად პროფესიებში);

მეოთხე ადგილზეა კონსულტანტი (თებერვალში მეექვსე ადგილი);

მეხუთე ადგილს იკავებს დამლაგებელი (თებერვალში მეორე ადგილი);

მეექვსე ადგილზეა მიმტანი (თებერვალში მესამე ადგილი);

შემდეგ მოდის ოჯახის დამხმარე (თებერვალში არ იყო მოთხოვნად პოზიციაზე);

მერვე ადგილზეა მცხობელი (თებერვალში მეშვიდე ადგილი);

მეცხრე ადგილს იკავებს მუშა (თებერვალში არ იყო მოთხოვნად პროფესიებში);

ხოლო ბოლო ადგილს იკავებს ოფისმენეჯერი (თებერვალში არ იყო მოთხოვნად პოზიციაზე).

კვლევის ფარგლებში, ინფორმაცია მოძიებული იქნა ვებგვერდებიდან, რომლებზეც დასაქმების შესახებ განცხადებებია გამოქვეყნებული.

(მოამზადა ნინი მოდრეკილმა)

წყარო:BPI