ტელეკომპანია "თრიალეთის" გადამღებ ჯგუფს, ცოტა ხნის წინ, გორში მიუსაფარ პირთათვის გაშლილი კარვების ზედამხედველმა სიტყვიერი და ფიზიკური შეურაცხყოფა მიაყენა და ადგილზე პროფესიული საქმიანობის შესრულების საშუალება არ მისცა. კერძოდ, ზაზა ჯოჯიშვილმა ტელევიზიის კამერის დაზიანება სცადა და ოპერატორს გადაღების შეწყვეტა მოსთხოვა.

როგორც "თრიალეთის" საინფორმაციო სამსახურში "ნიუპოსტს" განუცხადეს, ამ ქმედებით კიდევ ერთხელ შეილახა ჟურნალისტის უფლებები, რაც საქართველოს სისხლის სამართლის კოდექსის 154 მუხლის თანახმად დასჯადია.