გარემოსა და ბუნებრივი რესურსების დაცვის სამინისტროს გარემოსდაცვითი ზედამხედველობის დეპარტამენტის თანამშრომლებმა კინტრიშის დაცულ ტერიტორიაზე ორი შველი გაუშვეს.

საქართველოს გარემოს დაცვის სამინისტროს ინფორმაციით, გასული წლის შემოდგომაზე, სოფელ აჭარისაღმართის მცხოვრებმა ცირა დემურაძემ სოფლის ძაღლებისგან დაკბენილი შველი შეიფარა და სიკვდილს გადაარჩინა. შექმნილ მდგომარეობასთან დაკავშირებით მან დაუყოვნებლივ აცნობა გარემოსდაცვითი ზედამხედველობის დეპარტამენტს. თანამშრომლებმა, ვეტერინარებთან ერთად, დაშავებულ ცხოველებს ყველა საჭირო დახმარება აღმოუჩინეს.