"დიდი საღამო ქართული აქცენტით" - ამ სახელწოდების ღონისძიება მოსკოვში "მსახიობთა სახლში" დღეს გაიმართება. სპეციალური სტუმარი საქართველოდან მსახიობი კახი კავსაძეა. საღამო 16:00 საათზე დაიწყება.
"ქართველთა კავშირი რუსეთში" პრესსამსახურის ინფორმაციით, ღონისძიებაში სხვა ქართველებიც მონაწილეობენ. მათ შორის, სოსო პავლიაშვილი, ეთერ ბერიაშვილი, მანანა თოდაძე, ნიკოლაი ცისკარიძე, გიორგი მელიქიშვილი და ანსამბლი „სულიკო".
მოსკოვის მსახიობის ცენტრალური სახლის ფოიეში სტუმრებს ცნობილი ქართველი მხატვრის ბადრი თოფურიას ნამუშევრების ხილვის საშუალება ექნებათ.
ქართველებთან ერთად გენადი ხაზანოვი, ლეონიდ იარმოლნიკი და სხვა არტისტები მიიღებენ მონაწილეობას.
ღონისძიების ორგანიზატორია "ქართველთა კავშირი რუსეთში" და იაბლოჩკინას სახელობის მსახიობის ცენტრალური სახლი.
