საქართველოს პრეზიდენტი აღდგომის ბრწყინვალე დღესასწაულს დუშეთში, წმინდა ნიკოლოზის ეკლესიაში შეხვდა. გიორგი მარგველაშვილი სააღდგომო ლიტურიგიას მაკა ჩიჩუასთან ერთად დაესწრო. ქვეყნის პირველმა პირმა მრევლს აღდგომის დღესასწაული მიულოცა: 

„ყველას გილოცავთ! გვფარავდეს უფლის მადლი! დღევანდელ დღეს განსაკუთრებით მძაფრია იმის განცდა, რომ ყოველ წუთს გვაქვს სწორად ცხოვრების დაწყების შესაძლებლობა და ვერაფერი შეგვაჩერებს სინათლისკენ, სიკეთისკენ და სიყვარულისკენ მიმავალ გზაზე. კიდევ ერთხელ გილოცავთ ყველას“, - განაცხადა საქართველოს პრეზიდენტმა გიორგი მარგველაშვილმა.