20 აპრილს მსახიობსა და პოეტს გია ფერაძეს 66 წელი შეუსრულდებოდა. რა  საოცარია, და სასიამოვნო, რომ გიას დაბადების დღე, წლევანდელი ბრწყინვალე აღდგომის დღესასწაულს დაემთხვა. ამ დღესაც, როგორც ამ ბოლო 15 წლის მანძილზე, მისი მეგობრები და ახლობლები ისევ გავლენ გიას საფლავზე და პატივს მიაგებენ მის ხსოვნას.

რომ არა ის ერთი საბედისწერო შემთხვევა, სწორედ რომ შემთხვევა, გია დღეს დიდი მსახიობი იქნებოდა, თუმცა ცნობილი ამ შემთხვევამდეც იყო – „სპექტაკლი კავკასიური ცარცის წრე“ „არასერიოზული კაცი“ „ახალგაზრდა კომპოზიტორის მოგზაურობა“, 40-მდე ფილმი და 29-მდე სპექტაკლი, დიდი თუ პატარა როლი მისი ნიჭის და მსახიობური ოსტატობის ნათელი დასტურია.

გიას ცხოვრება ორად შეიძლება დავყოთ – პირველი, დაუსრულებელი ზეიმი, სიხარული, მეგობრები, სიყვარული, გასტროლები, დროსტარება. მეორე – 1985 წლიდან გარდაცვალებამდე: პატიმრობა, გადასახლებები, ჯოჯოხეთად ქცეული არსებობა... ეს იყო გიას ნათამაშები ბოლო როლი.

ჟურნალისტ ვახტანგ კობაიძის ფოტო, აუდიო-ვიდეო   პირად არქივში ბევრი საინტერესო მასალა ინახება, ამათ შორისაა, მის მიერ 2000 წელს მომზადებული „რადიობენეფისი“, რომლის ვიდეო ვარიანტს დღეს მედია-ჰოლდინგი „რეპორტიორი“ შემოგთავაზებთ და კიდევ ერთხელ გაგახსენებთ გია ფერაძეს.