პრესტიჟულ როკ-ფესტივალი Tbilisi BLITZKRIEG Fest 2014 "ნაით ოფისში" 26 აპრილს ჩატარდება, ღონისძიების ჰედლაინერის რანგში კი, ცნობილი შვედური ჯგუფი Lake Of Tears წარსდგება.
„მძიმე როკსა" და „მეტალზე" ორიენტირებული კონკურსი-ფესტივალის ორგანიზატორი არის საყოველთაოდ ცნობილი Wacken Open Air-ის (გერმანია) ოფიციალური პარტნიორი და წარმომადგენელი სამხრეთ კავკასიაში JAM! EVENTS-ი. 26 აპრილს კონკურსის ფინალი ჩატარდება. გამარჯვებული ჯგუფი გერმანიაში, Wacken Open Air 2014-ში მონაწილეობის მისაღებად გაემგზავრება, ხოლო მეორე ადგილზე გასული ბენდი ხორვატიაში, Underwall Festival -ზე გამოვა. Tbilisi BLITZKRIEG Fest 2014-ის პირველი ნაწილი ერთი თვის წინ, საქართველოს სპორტისა და ახალგაზრულ საქმეთა სამინისტროს მხარდაჭერით ასევე თბილისში გაიმართა. ღონისძიება საქართველოში 2007 წლიდან ტარდება.
Tbilisi BLITZKRIEG Fest 2014-ზე ასევე გამოვლენ საქართველოში მოღვაწე ჯგუფები: Dismorial, Tanelorn, Scratch The Floor და სტუმრის რანგში მიწვეული Industrial City.
