თბილისის  სახელმწიფო უნივერსიტეტი ხვალ ივანე ჯავახიშვილის იუბილესადმი მიძღვნილ გამოფენას უმასპინძლებს. გამოფენაზე სახელწოდებით „ერთადერთი რაინდი" წარმოდგენილი იქნება მეცნიერის პირადი მემორიალური ნივთები და დოკუმენტები, ასევე უნივერსიტეტის დაარსების ფოტო-დოკუმენტური მასალა, რომელიც უნივერსიტეტის ისტორიაში განხორციელებულ ღირსშესანიშნავ ფაქტებს ქრონოლოგიურად გადმოგვცემს.

გამოფენას თსუ-ს რექტორი ლადო პაპავა, სტუდენტები, პროფესორები და მოწვეული სტუმრები დაესწრებიან.

ღონისძიება თსუ-ს მუზეუმის და საქართველოს ეროვნული არქივის ორგანიზებით  გაიმართება.