სანამ სოლარიუმში გარუჯვის რჩევებს გაგიზიარებთ, გაეცანით სოლარიუმის უარყოფით მახარეებსა და ინფორმაციას, ვისთვის არ შეიძლება სოლარიუმში გარუჯვა. უპირველეს ყოვლისა, სოლარიუმს უნდა მოერიდონ ფეხმძიმე ქალბატონები. არ არის სასურველი სოლარიუმში იარონ ჰიპორტენიის, დიაბეტის, ღვიძლის დაავადებებისა და სხვადასხვა ანთებების მქონე ადამიანებმა. ხელოვნური გარუჯვა სასტიკად აკრძალულია ონკოლოგიური დაავადებებისა და სარძევე ჯირკვლების პრობლემების მქონე ადამიანებისთვის.  გარუჯვა არ შეიძლება მენსტრუალურ პერიოდშიც.

იმისთვის, რომ სოლარიუმში კარგად გაირუჯოთ, სოლარიუმში მისვლამდე ტანზე წაისვით გასარუჯი კრემი, გახსოვდეთ რომ კრემი სპეციალურად თქვენი კანისთვის უნდა იყოს შერჩეული. კრემი გარუჯვის დროს ცუდი ზემოქმედებისგან დაგიცავთ. თუ სხეულზე ბევრი ხალი გაქვთ, სიფრთხილით მოეკიდეთ ამ საკითხს, ზედმეტი ულტრაფიოლეტი იწვევს ონკოლოგიურ დაავადებებს.

ასევე წელს ზემოთ შიშველი (ტოპლეს) გარუჯვა სასურველი არ არის. სოლარიუმში სიარული არ არის ხშირად რეკომენდირებული, ორჯერ კვირაში ეს სავსებით საკმარისია ფერის შენარჩუნებისთვის. სოლარიუმში წასვლამდე ნუ გამოიყენებთ რაიმე პარფიუმს, რათა ეს ხლოაზმას გამომწვევი არ გახდეს. თუ თქვენ პირველად სტუმრობთ სოლარიუმს, სეანსის ხანგრძლივობის მაქსიმალური დრო 7 წუთია. გახსოვდეთ, რომ პროცედურის გამეორება 24 საათის განმავლობაში არავითარ შემთხვევაში არ შეიძლება. გარუჯვისას გაიკეთეთ სათვალე და დაიფარეთ ქუდი. ტუჩებზე წაისვით სპეციალური ბალზამი, რათა არ დაგისკდეთ. გარუჯვისას  სასურველია გეცვათ ბამბის თეთრეული. პროცედურის შემდეგ წაისვით დამატენიანებელი კრემი.