ეროვნული ბიბლიოთეკა ასტრიდ ლინდგრენის საერთაშორისო ლიტერატურულ პრემიაზე საქართველოს კანდიდატებს ხვალ დაასახელებს.  ღონისძიება ილიას სახელმწიფო უნივერსიტეტის წიგნის მაღაზია "ლიგამუსში" გაიმართება.

საბავშვო მწერლის ხსოვნისადმი მიძღვნილი ჯილდო ასტრიდ ლინდგრენის პრემია მსოფლიოში ბავშვთა ლიტერატურის სფეროში ყველაზე დიდი პრემიაა. ყოველწლიურად ერთ ან რამდენიმე გამარჯვებულს ხუთი მლნ შვედური კრონა გადაეცემა.

ეროვნული ბიბლიოთეკის მიერ შეიძლება ნომინირებულნი იყვნენ ავტორები, ილუსტრატორები, ზეპირი მთხრობელები და ბავშვთა კითხვის პოპულარიზაციის ხელშემწყობი კერძო პირები თუ ორგანიზაცები.