„აკვა- პარკში“  ათასამდე კვადრატული მეტრია დამწვარი. თბილისის  საგანგებო სიტუაციების მართვის სამსახურის უფროსი,  თემურ გიორგაძე „რეპორტიორთან“ საუბარში  აცხადებს რომ ხანძარმა პარკს დიდი ზარალი  მიაყენა. დამწვარია ატრაქციონები, ბუნგალოები და საწყობები.  არსებობდა გვერდით მდებარე შენობაზე ხანძრის გადასვლის საფრთხე რადგან ვითრებას ქარი ართულებდა. თემურ გიორგაძის განცხადებით სახანძრო ბრიგადების დიდი ძალისხმევის შედეგად ხანძრის ლოკალიზება მოხერხდა. ცეცხლის ხელახალი გაჩენის საფრთხე არ არსებობს. ბრიგადები ადგილზე მუშაობას კვლავ განაგრძობენ. ხანძრის გამომწვევი მიზეზები კვლავ უცნობია. საქმესთან დაკავშირებით გამოძიება უკვე დაწყებულია.