ალექსანდრე გრიბოედოვის სახელობის რუსული თეატრი დღეს, 19:00 საათზე,  კენედის ცენტრის ჯაზ-პიანისტის  ჯასტინ კოფლინის კონცერტს უმასპინძლებს. ღონისძიება კულტურის სამინისტროს მხარდაჭერითა და აშშ-ს საელჩოს ორგანიზებით, საქართველოში ამერიკის შეერთებული შტატების კულტურის დღეების ფარგლებში ჩატარდება.

აშშ-ს კულტურის დღეების ფარგლებში, 30 აპრილს, 17:00 საათზე,  ჯასტინ კოფლინი ქუთაისის ბალანჩივაძეების სახელობის ოპერის  თეატრსა და მუსიკალურ დარბაზშიც, გამართავს კონცერტს.

კიდევ ერთი ღონისძიება - ამერიკული პოეზიის საღამო, მწერალთა სახლში  25 აპრილს გაიმართება. ზვიად რატიანი და შოთა იათაშვილი - XX საუკუნის ამერიკელი პოეტების ნაწარმოებების საკუთარ თარგმანებს წაიკითხავენ.