პოლიტპატიმრის სტატუსით გათავისუფლებული გიორგი გაბედავას მამა, ზაზა გაბედავა, ბაჩო ახალაის ცოლს, ანი ნადარეიშვილს სიტყვიერ შეურაცხყოფაში ადანაშაულებს. გაზეთ „ალიასთან“ საუბარში აცხადებს რომ, მას შემდეგ, რაც ახალაის ადვოკატმა მის შვილს ფიზიკური შეურაცხყოფა მიაყენა, ახალაის მეუღლემ სკაიპით უცენზურო სიტყვები მისწერა, რასაც გაზეთშიც აქვეყნებს და აცხადებს რომ აღნიშნულ ფაქტთან დაკავშირებით შინაგან საქმეთა სამინისტროს მიმართავს.
დიალოგი ზაზა გაბედავას კომენტარით იწყება:
„რა ხდებოდა დღეს, სულ ფსტვენით რო გაცილებდნენ, ქალბატონო ანი, ნუთუ ასე უყვარხართ ქართველ ერს?“ - წერს გიორგი გაბედავს მამა, რასაც შემდგომში, ნადარეიშვილის მხრიდან უცენზურო და უწმაწური სიტყვები მოჰყვება.
„ შენ ფსბ-ს აგენტო, მთელი საქართველო გაგასამართლებს ლინჩის წესით.“ - წერს ანი ნადარეიშვილი.(უცენზურო სიტყვების გამო „რეპორტიორი“ დიალოგის სრულ ვერსიას ვერ გთავაზობთ.)
ზაზა გაბედავას მიერ წარმოდგენილი დიალოგიდან ნათლად ჩანს რომ მას შვილის მოკვლით ემუქრებიან.
თუმცა, ანი ნადარეიშვილი ყველაფერს უარყოფს და აცხადებს რომ მსგავსი სიტყვები არა თუ არ უთქვამს, არც კი სმენია.
