სვანეთში, სოფელ ჭუბერში მომხდარი ავარიის შედეგად მდინარე ენგურში დაკარგულების სამძებრო სამუშაოები კვლავ გრძელდება.  ამის შესახებ განცხადება  „შინაგან საქმეთა სამინისტროს“  პრესსამსახურის ხელმძღვანელმა, ნინო გიორგობიანმა გააკეთა.

„სამძებრო სამუშაოები ინტენსიურად მიმდინარეობს. მაშველები ადგილზე არიან და მათი ძებნა კვლავაც გრძელდება,  მაგრამ ძალიან რთული გეოგრაფიული პირობების გამო შედეგების მიღწევა ძნელია.  სიახლე ჯერ-ჯერობით არ არის.“- განაცხადა „რეპორტიორთან“  გიორგობიანმა.

შეგახსენებთ, რომ მდინარე ენგურში გადავარდნილ მანქანას,  დაღუპულ 24 წლის ტყუპ დებს,  დედას და ოჯახის ახლობელს დღემდე ეძებენ.