,,ფოტოგრაფები საზღვრებს გარეშე'' - ამ სახელწოდების ფოტოგამოფენა 30 აპრილს გაიმართება კავკასიურ სახლში. ღონისძიების ორგანიზატორია არასამთავრობო ორგანიზაცია „კივიტას გეორგიკა".
როგორც გამოფენის ორგანიზატორებმა „რეპორტიორის" აცნობეს, წარმოდგენილი იქნება ქართველი და აზერბაიჯანელი ფოტოგრაფების მიერ საქართველოსა და აზერბაიჯანში გადაღებული სურათები, რომლებიც ასახავენ ეთნიკური ქართველებისა და ეთნიკური აზერბაიჯანელების ცხოვრებას საქართველოსა და აზერბაიჯანში.
გამოფენაზე საუკეთესო ფოტონამუშევრების ავტორები დაჯილდოვდებიან.
,,ფოტოგრაფები საზღვრებს გარეშე'' აზერბაიჯანული არასამთავრობო ორგანიზაცია Uluchay-სა და კივიტას გეორგიკას ერთობლივი პროექტია, რომელიც Black Sea Trust-ის მხარდაჭერით ხორციელდება და მიზნად ისახავს აზერბაიჯანელ და ქართველ ახალგაზრდებს შორის ტოლერანტობის, კულტურათაშორისი ურთიერთობების გაღრმავებას.
დასაწყისი 12:00 საათზე.
