გეგუთის ციხეში ექვსი პატიმარი შიმშილობს.მათი ნაწილი C ჰეპატიტით არის დაავადებული, რის გამოც შიმშილობა მათზე განსაკუთრებით მწვავედ მოქმედებს.  ამასთან დაკავშირებით ინფორმაციას უფლებადამცველი დავით ჯანაშია ავრცელებს. მისივე განმარტებით, პატიმრები მათი საქმეების გადახედვას და ეკა ბესელიასთან და უჩა ნანუაშვილთან შეხვედრას ითხოვენ. ანალოგიური მოთხოვნები აქვთ პატიმრების ოჯახის წევრებს. როგორც  „რეპორტიორს“ სასჯელაღსრულების სამინისტროს საზოგადოებასთან ურთიერთოების სამსახურის უფროსმა განუცხადა, გეგუთის ციხეში პატიმრების შიმშილობასთან დაკავშირებით უწყება სპეციალურ განცხადებას დღის განმავლობაში გაავრცელებს.